ГЗБГЗЗЕГ-аас 21 аймгийн Газрын харилцаа, барилга, хот байгуулалтын газар, нийслэлийн Газар зохион байгуулалтын албаны Геодези, зураг зүйн асуудал хариуцсан мэргэжилтнүүдийн чадавхийг дээшлүүлэх сургалтыг 2025 оны 04 дүгээр сарын 30-наас 05 дугаар сарын 01-ний өдрүүдэд зохион байгууллаа.

Сургалтаар 2025 онд геодези, зураг зүйн чиглэлээр хийх гүйцэтгэлийн төлөвлөгөөний анхаарах асуудал, Геодези, зураг зүйн салбарт мөрдөж буй хууль, дүрэм, журам, стандарт тэдгээрийг хэрхэн хэрэгжүүлэх болон геодезийн солбицлын дэд тогтолцоо, түүний хэрэглээ GNSS-ын байнгын ажиллагаатай суурин станцын хэвийн үйл ажиллагааг хангах, геодезийн багаж, баталгаажуулалтын цахим систем, Газар зүйн нэрийн хээрийн тодруулалт, мэдээллийн сан бүрдүүлэх ажилд хяналт хийх, Газар зүйн нэрийн мэдээллийн сан бүрдүүлэх, Нисгэгчгүй нисэх төхөөрөмжөөр нислэг төлөвлөх, зураг авах, боловсруулах практик сургалт, Төрийн албан хаагчийн манлайлал, төрийн үйлчилгээ чиглэлээр сургалт зохион байгууллаа.

Түүнчлэн аймаг орон нутагт хийгдэж буй геодезийн хэмжилт, хяналт шалгалтын ажлын чанар, бүтээмжийг нэмэгдүүлэх, албан хаагчийн ажил үүргийн ачааллыг хөнгөвчлөх зорилгоор өндөр нарийвчлалын багаж, тоног төхөөрөмжийг үе шаттай шинэчлэн дэмжлэг үзүүлэхээ илэрхийлж Батламж гардуулав.