Дэлгэрэнгүй мэдээлэл авах эх сурвалж:
Газар, хэлтэс: Төрийн захиргаа удирдлагын газрын хэвлэл мэдээлэл олон нийт хариуцсан ахлах мэргэжилтэн
Мэдээлэл хариуцагч: А.Отгонжаргал
ШИНЭЭР ОЛГОХООР ТӨЛӨВЛӨСӨН ГАЗРЫН МЭДЭЭЛЛИЙГ НЭЭЛТТЭЙ БОЛГОЛОО
Газар зохион байгуулалт, геодези, зураг зүйн ерөнхий газраас газар олголт, газар ашиглалтын мэдээллийг нээлттэй болгох ажлыг үе шаттайгаар хэрэгжүүлж байна.
Энэ хүрээнд аймаг, нийслэл, сум, дүүргийн Иргэдийн Төлөөлөгчдийн Хурлаас баталсан газар зохион байгуулалтын тухайн жилийн төлөвлөгөөнд тусгагдсан газар олголтын хэмжээ, байршил, зориулалтын мэдээллийг иргэд, олон нийт www.egazar.gov.mn цахим системээр дамжуулан хялбархан үзэж, танилцах боломжийг бүрдүүлэх хөгжүүлэлтийн ажлыг хийж гүйцэтгэлээ. Ингэснээр иргэд, олон нийт egazar.gov.mn цахим хуудаснаас газар зохион байгуулалтын тухайн жилийн төлөвлөгөөнд газар олгохоор төлөвлөсөн болон Засаг даргын шийдвэрээр газар олгосон байршлуудыг газрын зориулалтаар нь ангилан, газрын зураг дээр хялбархан харах боломжтой боллоо. Төлөвлөлтийн мэдээллийг ийнхүү нээлттэй, ойлгомжтой хэлбэрээр хүргэснээр аймаг, нийслэл, сум, дүүргийн газар олголтын үйл ажиллагааны ил тод, нээлттэй байдлыг хангах, иргэдийн мэдээлэл авах, хяналт тавих боломжийг нэмэгдүүлэхэд чухал ач холбогдолтой юм.
Дэлгэрэнгүй мэдээлэл авах эх сурвалж:
Газар, хэлтэс: Төрийн захиргаа удирдлагын газрын хэвлэл мэдээлэл олон нийт хариуцсан ахлах мэргэжилтэн
Мэдээлэл хариуцагч: А.Отгонжаргал
