Буцах
ТӨРИЙН ҮЙЛЧИЛГЭЭ ЦАХИМ ХЭЛБЭРТ ШИЛЖЛЭЭ

ТӨРИЙН ҮЙЛЧИЛГЭЭ ЦАХИМ ХЭЛБЭРТ ШИЛЖЛЭЭ

Геодези, зураг зүйн үйлдвэрлэл үйлчилгээ эрхлэх тусгай зөвшөөрөл, Газар зохион байгуулалтын үйл ажиллагаа эрхлэх мэргэжлийн байгууллагын эрх олгох, сунгах, цуцлах, түдгэлзүүлэх, сэргээх, тухайн жилийн үйл ажиллагааны тайлан хүлээн авах, дүгнэлт гаргах, нийтэд мэдээлэл, лавлагаа олгох, хяналт тавихтай холбоотой үйл ажиллагаа 2021 оны 01 дүгээр сарын 11-ний өдрөөс эхлэн албан ёсоор цахим хэлбэрт шилжлээ.

Салбарын тусгай зөвшөөрөл, мэргэжлийн байгууллагын эрх олгохтой холбогдсон үйл ажиллагаа цахим хэлбэрт шилжсэнээр аж ахуйн нэгжүүдийн бүрдүүлдэг байсан 7 төрлийн цаасан материалыг цахимаар хүлээн авч шийдвэрлэх боломжтой болов.

Дор дурдсан 5 төрлийн мэдээллийг төрийн мэдээлэл солилцооны нэгдсэн “ХУР” систем болон бусад төрийн байгууллагын цахим системээс авч баталгаажуулдаг болсноор төрийн мэдээллийн сангаас гарах боломжтой лавлагаа, мэдээллийг иргэн, аж ахуйн нэгжүүдээс шаардахгүй байх зарчмыг хэрэгжүүлж, төрийн үйлчилгээний нэгдмэл, баталгаатай байдлыг хангаж, үйлчилгээг түргэн шуурхай болголоо. Үүнд:

·         Иргэний мэдээлэл

·         Хуулийн этгээдийн улсын бүртгэлийн мэдээлэл

·         Иргэний нийгмийн даатгалын мэдээлэл

·         Боловсролын дипломын лавлагааны мэдээлэл

·         Геодезийн багаж бүртгэлийн мэдээлэл

2021 оны 01 дүгээр сарын 25-ны өдрийн байдлаар цахим системд нийт 178 ААН, 284 ажилтан бүртгүүлээд байна. Шинээр 41 хүсэлт ирсний тусгай зөвшөөрөл, мэргэжлийн байгууллагын эрх шинээр авах - 4, сунгуулах  - 12, нөхөж авах – 2,   23 тайлан дүгнүүлэх хүсэлт байна.

Аж ахуйн нэгжүүд https://license.gazar.gov.mn/ хаягаар нэвтэрч, цахим системээр хүсэлтээ ирүүлнэ үү. Холбогдох заавар, гарын авлагатай цахим хуудасны Зааварчилгаа хэсгээс танилцах боломжтой.