БҮГД НАЙРАМДАХ СОЛОНГОС УЛСЫН ДОТООД ХЭРЭГ, АЮУЛГҮЙ БАЙДЛЫН ЯАМТАЙ ХАМТРАН АЖИЛЛАЖ ЭХЭЛЛЭЭ
Тус газар нь Бүгд Найрамдах Солонгос Улсын Дотоод хэрэг, аюулгүй байдлын яамтай хамтран ажиллах санамж бичгийг 2024 оны 05 дугаар сарын 24-ний өдөр байгуулсан билээ.Энэхүү санамж бичгийн хүрээнд Солонгос Улсын Дотоод хэрэг, аюулгүй байдлын яамны мэргэжилтнүүд, Газар геоматик (LX) корпорацийн зөвлөх инженерүүдээс бүрдсэн нийт 5 хүний бүрэлдэхүүнтэй баг 2024 оны 06 дугаар сарын 06-ны өдрөөс 06 дугаар сарын 15-ны өдрийн хооронд тус газарт ажиллаж байна.
Тус арга хэмжээний хүрээнд:
Хоёр улсын хаягжуулалтын тухай хууль, тогтоомж, эрх зүйн орчин, хаягийн өгөгдөл мэдээлэл боловсруулалт, системийн бүтэц, зохион байгуулалттай дэлгэрэнгүй танилцах, туршлага солилцох;
Манай улсын хаягжуулалтын өнөөгийн нөхцөл байдалд дүн шинжилгээ хийх, хүчин төгөлдөр мөрдөгдөж буй хууль эрх зүй орчинг сайжруулах санал, зөвлөмж боловсруулах;Олон улсын техникийн шаардлага хангасан хаягийн системийг байгуулах шийдлийг тодорхойлох техник эдийн засгийн үндэслэлийн төслийг боловсруулах зэрэг ажлыг гүйцэтгэхээр төлөвлөөд байна.
Энэ мэдээнд сэтгэгдэл үлдээнэ үү