📝2025 ОНД УЛСЫН ХЭМЖЭЭНД 79 СУМАНД НУТАГ ДЭВСГЭРИЙН ХӨГЖЛИЙН ТӨЛӨВЛӨГӨӨ БОЛОВСРУУЛАХ АЖИЛ ХИЙГДЭЖ БАЙНА

• Цаг үеийн мэдээ
• 2025-10-28 15:08:00
• 105

Сумын нийт нутаг дэвсгэрийг хамарсан газрын нэгдмэл сангийн бүх ангиллын хүрээнд хийгддэг газар зохион байгуулалтын нарийвчилсан төлөвлөгөө байдаггүйгээс шалтгаалж 2024 оны бэлчээрийн фото мониторингийн судалгааны үр дүнд бэлчээрийн төлөв байдлын 79.9 хувь нь ашиглалтын нөлөөлөлд өртөж доройтсон, бэлчээрийн даац хэтэрсэн, замбараагүй газар олголтоос газар чөлөөлөлтийн нөхөн олговрын зардал, хилийн цэсийн маргаан, ойн сан, усан сангийн газрын ашиглалт хамгаалалтын асуудал үүссээр ирсэн.

Иймээс дээрх асуудлыг шийдвэрлэх зорилгоор 2015 оноос эхлэж сумын нутаг дэвсгэрийн хөгжлийн төлөвлөгөөг орон нутгийн төсөв болон төсөл хөтөлбөрүүдийн санхүүжилтээр боловсруулж байна.

Үүнээс 2025 оны байдлаар:
Төлөвлөгөө боловсруулж батлуулсан 181 сум
Төлөвлөгөө боловсруулж байгаа 79 сум
Төлөвлөгөө боловсруулах шаардлагатай 49 сум

Цаашид 49 сумын хэмжээнд нутаг дэвсгэрийн хөгжлийн төлөвлөгөө боловсруулахад шаардагдах зардлыг орон нутгийн төсөвт тусгаж, шийдвэрлэх шаардлагатай байна.