Буцах
БУЛГАН АЙМГИЙН ГАЗРЫН ХАРИЛЦАА, БАРИЛГА, ХОТ БАЙГУУЛАЛТЫН ГАЗРЫН ҮЙЛ АЖИЛЛАГААТАЙ ТАНИЛЦЛАА

БУЛГАН АЙМГИЙН ГАЗРЫН ХАРИЛЦАА, БАРИЛГА, ХОТ БАЙГУУЛАЛТЫН ГАЗРЫН ҮЙЛ АЖИЛЛАГААТАЙ ТАНИЛЦЛАА

Хойд бүсийн анхдугаар зөвлөгөөн Булган аймагт зохион байгуулагдаж байгаатай холбогдуулан Газар зохион байгуулалт, геодези, зурагзүйн ерөнхий газрын удирдлагууд Булган аймагт ажиллаж байна.
Энэ хүрээнд Булган аймгийн газрын харилцаа, барилга, хот байгуулалтын газрын үйл ажиллагаатай танилцаж, аймгийн нийт албан хаагчидтай уулзалт хийлээ.
Тус уулзалтаар Булган аймгийн ГХБХБГ-ын албан хаагчдын зүгээс хүний нөөцийн дутагдалтай байдал, техник тоног төхөөрөмжийг шинэчлэх, ажиллах орчин нөхцлийг сайжруулах, хот суурины газрын ангилал шилжүүлэх зэрэг шийдвэрлэх шаардлагатай асуудлуудын талаар санал солилцлоо.
Газар зохион байгуулалт, геодези, зураг зүйн газрын удирдлагуудын зүгээс 2025 оныг “Иргэдийн итгэлийг хүлээсэн төрийн үйлчилгээний жил” болгон зарласантай холбогдуулан Газрын харилцаа, барилга, хот байгуулалтын газрын албан хаагчдад дараах зөвлөмж, чиглэлүүдийг өгч ажиллаа. Үүнд:
✅ Газар эзэмших ашиглах эрхийн гэрчилгээ олгох журам, Газрын нэгдмэл сангийн удирдлагын нэгдсэн цахим систем ажиллуулах зэрэг журмуудыг хэрэгжүүлж ажиллах;
✅ Хотын хөгжлийн ерөнхий төлөвлөгөө хийлгэхдээ иргэд, олон нийтийн оролцоог хангах, орон нутгийн онцлог, хэрэгцээ шаардлагад нийцүүлэх;
✅ Төрийн үйлчилгээг иргэдэд ойртуулж мэдээлэл, үйлчилгээ үзүүлэх аяныг үе шаттай зохион байгуулах;
✅ Шинэ хоршоо, Хүнсний хувьсгал, Бүсчилсэн хөгжил зэрэг Улс, бүс нутгийн шинж чанартай томоохон бодлого, төсөл хөтөлбөрийг хэрэгжүүлэхэд дэмжлэг үзүүлэх зэрэг болно.
Уулзалтын төгсгөлд ГЗБГЗЗЕГ-ын удирдлагуудаас аймгийн хэмжээнд тулгамдаж байгаа асуудлуудыг үе шаттайгаар шийдвэрлэх тал дээр мэргэжил арга зүйгээр хангаж, арга хэмжээ авч ажиллахаа илэрхийллээ.