Буцах
ЕВРАЗИЙН ОРОН ЗАЙН ӨГӨГДЛИЙН ДЭД БҮТЦИЙН 10 ДУГААР ХУРАЛ ЯВАГДАЖ БАЙНА

ЕВРАЗИЙН ОРОН ЗАЙН ӨГӨГДЛИЙН ДЭД БҮТЦИЙН 10 ДУГААР ХУРАЛ ЯВАГДАЖ БАЙНА

Евразийн орон зайн өгөгдлийн дэд бүтцийн 10 дугаар хурал Монгол Улсад амжилттай зохион байгуулагдаж байгаа бөгөөд эхний өдөр 6 улсын 10 сонирхолтой илтгэл тавигдав. Үүнд:
✅Газар зохион байгуулалт, геодези, зураг зүйн ерөнхий газрын дарга А.Энхманлай “Монгол Улсын орон зайн өгөгдлийн дэд бүтцийн стратеги”;
✅ ГЗБГЗЗЕГ-ын Геодези, зураг зүйн хэлтсийн дарга Д.Мөнхцэцэг “Монгол Улсын орон зайн суурь өгөгдөл”;
✅Бүгд Найрамдах Беларусь улсын Үндэсний кадастрын агентлагийн Газарзүйн мэдээллийн системийн газрын дарга Марина Литреева “Беларус улсын Орон зайн өгөгдлийн дэд бүтцийн бүрэлдэхүүн хэсэг”;
✅Бүгд Найрамдах Беларус улсын “Белгеодезия” үйлдвэрийн газрын кадастр, геомэдээллийн системийн ахлах мэргэжилтэн Юрий Капильский “Үндэсний геопортал - засгийн газар болон нийгмийг орон зайн өгөгдлөөр холбогч төв”;
✅БНСУ-ын Үндэсний газар зүйн мэдээллийн агентлагийн Орлогч даргын зөвлөх Парк Хе Сүк “Гео-орон зайн өгөгдлийн өнөөгийн байдал”;
✅БНСУ-ын Орон зайн мэдээллийн үйлдвэрлэлийг дэмжих агентлагийн зөвлөх менежер Др.Ли Донг Сунг “Евразийн орон зайн өгөгдлийн дэд бүтцийн санаачилга болон БНСУ-тай хамтран зохион байгуулж буй Орон зайн мэдээллийн хүний нөөцийн сургалтын төслүүд” сэдвээр илтгэл тавилаа.
Монгол Улсад хүрэлцэн ирж чадаагүй ч онлайнаар дараах гурван улсаас илтгэл тавьж оролцлоо. Үүнд:
✅ Казахстан улсын Үл хөдлөх хөрөнгийн улсын нэгдсэн кадастрын газрын захирал Куат Сагадиев “Казахстан улсад хэрэгжүүлж буй үл хөдлөх хөрөнгийн улсын нэгдсэн кадастр”;
✅Киргиз улсын Хэмжил, зураглалын агентлагийн орлогч дарга Изабеков.Н.Д “Киргиз улсын газрын мэдээллийн менежментийг сайжруулах үйл ажиллагаа”;
✅Тажикистан улсын Аэрогеодези улсын үйлдвэрийн газрын Олон улсын харилцаа, мониторингийн хэлтсийн дарга Мирзоев Искандар “Тажикистан улсын Үндэсний орон зайн өгөгдлийн дэд бүтцийн өнөөгийн нөхцөл байдал” зэрэг сэдвээр илтгэлүүд тавигдлаа.