Тус хэлэлцүүлэгт Цахим хөгжил, инновац, харилцаа холбооны яам, Харилцаа холбооны зохицуулах хороо, мэдээлэл холбооны оператор компаниуд, холбогдох байгууллагуудын төлөөллүүд оролцож санал солилцлоо.

Тус хэлэлцүүлэгээр Газрын тухай хуулийн нэмэлт, өөрчлөлтөд туссан харилцаа холбооны шугам сүлжээний газрын зохицуулалт, Орон зайн өгөгдлийн дэд бүтцийн тухай хуулийн төслийн танилцуулга, харилцаа холбооны шугам сүлжээний газрын төлөвлөлтийн өнөөгийн байдал, төлөвлөдөг аргачлал, Засгийн газрын 2018 оны “Газрын үнэлгээний тойрог, зэрэглэл (бүс), суурь үнэлгээ, газрын төлбөрийн хэмжээг тогтоох тухай” 182 дугаар тогтоолд өөрчлөлт оруулах хэрэгцээ шаардлага, газрын дуудлага худалдаа, төсөл сонгон шалгаруулалтын талаар танилцуулж, харилцаа холбооны шугам сүлжээний газар төлөвлөлтийн аргачлал, бодит хэрэгцээ шаардлага, тус салбарт газрын харилцаатай холбоотой тулгамдаж буй асуудлуудыг хамтран шийдвэрлэх талаар санал дэвшүүлж, хэлэлцүүллээ.