“ГАЗРЫГ УЛСЫН ТУСГАЙ ХЭРЭГЦЭЭНД АВАХ, ГАРГАХ, ТҮҮНИЙ ХЭМЖЭЭ, ЗААГИЙГ ТОГТООХ, АШИГЛАХ ЖУРАМ” ШИНЭЧЛЭГДЭН БАТЛАГДЛАА
Монгол Улсын Засгийн газрын 2017 оны 09 дүгээр сарын 27-ны өдрийн 287 дугаар тогтоолоор “Газрыг улсын тусгай хэрэгцээнд авах, гаргах, түүний хэмжээ, заагийг тогтоох, ашиглах журам” батлагдсанаас хойш Газрын тухай хуулийн 16 дугаар зүйлд заасан улсын тусгай хэрэгцээний газарт 5 зориулалт шинээр нэмэгдсэн мөн Газрын тухай хуулинд Газрын асуудал эрхэлсэн төрийн захиргааны байгууллагын харъяалал, чиг үүрэг өөрчлөгдсөнтэй холбогдуулан тус журмыг шинэчлэн боловсруулж батлууллаа.
“Газрыг улсын тусгай хэрэгцээнд авах, гаргах, түүний хэмжээ, заагийг тогтоох, ашиглах журам” шинэчлэн батлагдсанаар газрыг улсын тусгай хэрэгцээнд авах, улсын тусгай хэрэгцээнээс гаргах болон улсын тусгай хэрэгцээний газрыг ашиглахтай холбогдон үүсэх харилцаа нь илүү нарийвчлагдан зохицуулагдсан болно. Үүнээс дурьдвал:
Улсын тусгай хэрэгцээний газарт төлөвлөлтийн зураг төсөл, баримт бичиг боловсруулж, батлуулах, Газар олголтыг батлагдсан төлөвлөлтийн дагуу шийдвэрлэх, Улсын тусгай хэрэгцээний газрын нөлөөлөлд өртөж буй иргэн, аж ахуйн нэгж, байгууллагын нөхөх олговрын асуудлыг шийдвэрлэх, Газрыг улсын тусгай хэрэгцээнд авах үйл ажиллагааг хууль, журмын дагуу хурдан шуурхай, шат дамжлага багатайгаар шийдвэрлэх зэрэг олон боломжийг бүрдүүлсэн зохицуулалтууд тусгагдан батлагдлаа.
Энэ мэдээнд сэтгэгдэл үлдээнэ үү